Біздің түлектеріміздің бірінші мемлекеттік емтиханы. Эссе тақырыптары қиын, алайда қызықты. Мектеп бітірушілерге сәттілік тілейміз!

Гимназияда «Қауіпсіз интернет» атты Республикалық компаниясы өткізілді. Ақпараттық кампанияның мақсаты: кәмелетке толмағандардың, педагогтер мен ата-аналардың назарына агрессивті Интернет мазмұнының әсерінен болатын проблемаларды түсіну деңгейін арттыруға бағытталған ақпаратты жеткізу, Интернет ресурстарды қолдану мәдениетін, кәмелетке толмағандардың Интернетке кіру белсенділігін бақылауға қатысты Интернет-қызметтерде ересек қолданушылардың жауапкершілігін жоғарылату.

1 А сыныбында "Ана өмірдің шуағы" атты аналар мерекесі өтті.Мерекеге барлық аналар шақырылды.Оқушылар аналарына өз қолдарынан жасаған шоқ гүлдер сыйлады.Кішкентай бүлдіршін қыздарымыз әуелетіп ән шырқап, ұлдарымыз аналарға жаттаған тақпақтарын тақылдата айтып, көріністе көрсетіп, мың бұрала бимен көмкерді.Қыздарымыздың киімдері ерекше көктем лебімен ескендей әсер қалдырды.Сынып ішінің безендірлуі көктемнің алғашқы жауқазын гүліндей жайқалып тұрды. 1 А сыныбының жетекшісімен ата-аналарының еңбектерін ауыз толтырып айтарлықтай әсердеміз.

15 ақпанда гимназияда ата-аналар үшін ашық есік күні өткізілді. Мектептегі өткізілген іс-шаралардың бірі-қазақ тілі клубының « әдебиет әлемі» тақырыбында өткен кезекті отырысы болды. Оқушылар халық ауыз әдебиетінен қазақ ертегілерін, әдеби шығармалардан көріністер көрсетті. Ақиық ақындар шығармаларынан өлеңдер оқыды. Оқушылар өздерінің қазақ тілі мен әдебиетіне деген қызығушылықтарын, сүйіспеншіліктерін, құрметін байқатты. Ата-аналар қауымы мұғалімдерге, оқушыларға өз ризашылықтарын білдірді.

Павлодар қ. «Дарынды балаларға арналған № 3 гимназиясы» ММ-сінде Ашық есіктер күні өтті. Ата-аналар жаңартылған білім беру аясында оқу-тәрбие үрерісімен танысты. Балалардың қалыптан тыс ойлау, қиын мәселелердің шешімін табу, креативті идеяларды ұсынып нәтижеге жету ата-аналарды таңғалдырды. Қазіргі заман талаптарына сәйкес қазіргі мектеп «білімді тұлға», яғни білім, білік пен дағдылары қалыптасқан жеке тұлғаны дайындаумен ғана шектеле қоймай, «өмірдің өзгерістеріне дайын болатын», белсенді және шығармашыл ойлайтын, интеллектуалды және жан-жақты дамыған жеке тұлғаны дайындауға барша жағдай жасалып жатқанын байқады. «РИТМ» оқушылардың ғылыми қоғамы, «Нерв эпохи» әдеби спектакль, «Патриот» клубы, «Тіл жанашырлары» клубы, «Can money buy you happiness?» English club дебаты, робототехника үйірмесі, қытай тілі үйірмесі, «Шанырақ» жобасының отбасылық шеберханасы өз жұмыстарымен таныстырып, оқушылардың жан-жақты дамуына мүмкіндік бар екенін көрсетті.

Бүгінгі күні гимназияда «Рухани жаңғыру» бағдарламасын іске асыру аясында оқушылар «Туған өлкем» жобасының саяхат күнделіктерін ұсынды. Оқушылар бұл жобаны іске асыру өте маңызды екенін атап өтті, туған жердің мәдениетін, көрнекті ескерткіштерін, танымал тұлғалардың өмірін зерттеп, кіші Отанға деген сүйіспеншілік сезімі оянуына ықпал етті деген тұжырым жасады. Оқушылар күнделіктерінде аймақтағы саяхаттардан алған ескертпелер,көргендерінің әсерлері, көптеген қызықты фотосуреттер бар. Мысалы, 6И сынып оқушылары біздің қаламыздың барлық ескерткіштері мен мұражайларына барды, 9 М сынып оқушылары қаламыздың әйгілі тұлғаларымен кездесулерін, тарихи фильмнің көрінісінен әсерің және тағы көптеген қызықты нәрселерді күнделіктеріне жазған. 9М сынып оқушысы Диана Алишева, бұл жоба «Менің кіші Отаным» атты Республикалық интеллектуалдық сайысының жеңімпазы болуына көмектесті деп өз ойымен бөлісті. Жоба жалғасуда, жаңа, қызықты жазбалар, суреттер, әсерлер, жеңістер күтеміз.

Қазақ тілі мен әдебиеті апталағы аясында гимназияның мәжіліс залында 3 сынып оқушылары « Ертегілер әлемінде» атты тамаша кеш өткізді. Кеш барысында бүлдіршіндер әртүрлі ертегілерден қойылымдар көрсетті. Атап айтсақ, «Жыл басына таласқан жануарлар», «Қызыл телпек», «Алдар Көсе мен бай», «Тиін мен қасқыр», «Қоян мен түлкі» ертегілері. Кеш өте қызықты өтті, балалар өз рөлдерін қызығушылықпен ойнады. Кешті ұйымдастыруға атсалысқан ата-аналар мен сынып жетекшілеріне алғысымызды білдіреміз. Бұл мерекеге жауапты мұғалімдер Шукоева Бахытгуль Темирболатовна мен Касимова Жанна Кудайбергеновна.

17-18 қаңтарда гимназияда «Білім мазмұнын жаңарту аясында табысты оқушы» атты ата-аналар жиналыстары өтті. Сынып жетекшілері ата-аналар қатысуымен топтық, жұптық жұмыс ұйымдастырып, оқушылардың күнделікті сабақта өз алдарына мақсат қойып, оларға жетіп, жеке жетістік баспалдағын жоспарлауды көрсетті.

2019 жылы 8 қаңтарда Павлодар ауданының Маралды НМ базасында "сабақта формативті бағалауды ұйымдастыру ерекшеліктері"атты аудандық практикалық семинар өтті. Бастамашы Павлодар қаласындағы "Педагогикалық шеберлік орталығы" филиалы, Павлодар ауданының Маралды НМ және Павлодар қаласындағы "дарынды балаларға арналған №3 гимназия" ММ болды. Семинардың мақсаты -орта білім мазмұнын жаңарту жағдайында сабақта формативті бағалауды ұйымдастыру бойынша озық педагогикалық тәжірибені анықтау және тарату. Семинар міндеттері: - Павлодар ауданында формативті бағалауды енгізу бойынша тәжірибе алмасу үшін диалог алаңын ұйымдастыру; - Павлодар ауданының педагогтарына формативті бағалауды сапалы енгізу мәселелері бойынша практикалық қолдау көрсету. Семинар жұмысына Павлодар ауданының жалпы білім беру мектептерінің өкілдері қатысты. «Критериалды бағалау бойынша үйлестірушілердің рөлі туралы» Ю. Г. Мельникованың баяндамасы тыңдалды, "сабақта формативті бағалау: өзекті мәселелер және мектеп тәжірибесінде қолдану перспективалары" тақырыбында фасилитацияланған сессия өткізілді және Г.Т.Байгужиновамен "Agile/сабақта формативті бағалауды ұйымдастырудың икемді әдістері мен тәсілдері" тақырыбында тим-тренинг өткізілді. Бірлескен талқылау барысында формативті бағалауды ұйымдастырудағы проблемалар мен қиындықтар айтылды, сондай-ақ шешу жолдары қарастырылды және ұсынылды. Тренингте сабақта өзін-өзі бағалау мен өзара бағалауды ұйымдастырудың әртүрлі техникасы ұсынылды, сондай-ақ Лэпбуктер (Lapbook) арқылы формативті бағалауды ұйымдастырудың жаңа құралы ұсынылды және сынақтан өтті. Семинар соңында қатысушылар "Коучинговая елка" техникасының көмегімен сындарлы кері байланыс жасады.

Халықаралық жемқорлыққа қарсы күрес күніне орай гимназияда «Болашаққа сыбайлас жемқорлықсыз» атты бірыңғай сынып сағаты өтті. Оқушылар сыбайлас жемқорлық формаларын қарастырды, сыбайлас жемқорлыққа қарсы күрес тәсілдері ұсынылды. Оқушылар бізде барлық қажетті құқықтық заңдар, тиімді экономикалық жағдайлар, толыққанды сыбайлас жемқорлыққа қарсы күрес және жағдай тудыратын себептермен заңды бұзбай күресуге болады деп қорытынды жасады.

Бүгін, 2018 жылдың 20 қазанында, «Эко boom» жобасы аясында «Дарынды балаларға арналған № 3 гимназиясы» ММ-нде «Болашақ бағы» атты акциясы өтті. Іс-шараға 1-ші «А», «Б» сынып оқушылары, ата-аналар, мұғалімдер қатысты. Іс-шара барысында 25 шетен көшеті отырғызылды. Ата-аналар мен балалар жақсы көңіл-күй, ықыласпен жұмыс істеді.11 жыл бойы оқушылар ағаштарды бағып күтеді.

Еліміздің дарынды оқушыларын оқыту мен тәрбиелеуге қосқан үлесі және оларды қолдау мен жетілдіру жолындағы қол жеткізген табыстары үшін қазақ тілі мен әдебиеті мұғалімі Қабылбекова Жібек Кокеновна Қазақстан Республикасы Білім және ғылым министрінің Алғыс хатымен марапатталды. Шын жүректен құттықтай отырып шығармашыл ұстазға зор денсаулық, еңбекте табыс, ұзақ өмір тілейміз.